Дьокуускай куораттааҕы Оҕо айымньытын дыбарыаһын “Мульти-пульти” куруһуок иитиллээччилэрэ Кира Новгородова, Владимир Кузьмин, Аделина Парилова уһуйааччылара Екатерина Жиркованы уонна Анжела Андросованы кытта “Хабылык остуоруйата” ойуулугу оҥордулар. «Саха этигэн тыла» саайт бу күрэһигэр эбээн, эбэҥки, дьүкээгир, саха тылынан Саха сирин олохтоох омуктарын баай култууратын, этнографиятын, устуоруйатын үөрэтэр ойуулуктар киирдилэр. Онон бу көрүҥ сайдар кэскиллээҕиттэн үөрэбит. Маны тэҥэ, күрэскэ төрүт оонньуурдары, оонньуулары оҥорон ыыттылар. Төрөөбүт тылынан саҥа чугдаардын! Сахалыы ойуулугу дьиэ кэргэҥҥитиниин көрөргүтүгэр ыҥырабыт!
