Дьиэ кэргэҥҥэ уонна оҕолорго көмөлөһөр Ньурба улууһун иһинээҕи холбоһуктаах киин үөрэнээччилэрэ Юлиан Семенов, Антон Антонов, Марк Хартасов, Владислав Егоров уһуйааччылара Оксана Федотованы кытта Н.Н.Рязанскай «Кыһын сылгылар» уруһуйунан “Киистэ кэпсээнэ” ойуулугу оҥордулар. «Саха этигэн тыла» саайт бу күрэһигэр эбээн, эбэҥки, дьүкээгир, саха тылынан Саха сирин олохтоох омуктарын баай култууратын, этнографиятын, устуоруйатын үөрэтэр ойуулуктар киирдилэр. Онон бу көрүҥ сайдар кэскиллээҕиттэн үөрэбит. Маны тэҥэ, күрэскэ төрүт оонньуурдары, оонньуулары оҥорон ыыттылар. Төрөөбүт тылынан саҥа чугдаардын! Сахалыы ойуулугу дьиэ кэргэҥҥитиниин көрөргүтүгэр ыҥырабыт!
