Үөһээ Бүлүү улууһун Үөһээ Бүлүү сэлиэнньэтин 2 №-дээх “Теремок” уһуйаанын иитиллээччилэрэ
«Таал-таал эмээхсин» остуоруйанан сахалыы ойуулук оҥордулар. Салайааччы Ньургустаана Антоновна Алексеева.«Саха этигэн тыла» саайт бу күрэһигэр эбээн, эбэҥки, дьүкээгир, саха тылынан Саха сирин олохтоох омуктарын баай култууратын, этнографиятын, устуоруйатын үөрэтэр ойуулуктар киирдилэр. Онон бу көрүҥ сайдар кэскиллээҕиттэн үөрэбит. Маны тэҥэ, күрэскэ төрүт оонньуурдары, оонньуулары оҥорон ыыттылар. Төрөөбүт тылынан саҥа чугдаардын! Сахалыы ойуулугу дьиэ кэргэҥҥитиниин көрөргүтүгэр ыҥырабыт!
