“Көтөрдөр мөккүөрдэрэ” норуот остуоруйатынан Мэҥэ Хаҥалас улууһун Хаптаҕай нэһилиэгин «Хомусчаан» уһуйаан иитиллээччилэрэ ииттээччилэрин Дария Афанасьеваны кытта сахалыы ойуулук оҥорон ыыттылар. «Саха этигэн тыла» саайт бу күрэһигэр эбээн, эбэҥки, дьүкээгир, саха тылынан Саха сирин олохтоох омуктарын баай култууратын, этнографиятын, устуоруйатын үөрэтэр ойуулуктар киирдилэр. Онон бу көрүҥ сайдар кэскиллээҕиттэн үөрэбит. Маны тэҥэ, күрэскэ төрүт оонньуурдары, оонньуулары оҥорон ыыттылар. Төрөөбүт тылынан саҥа чугдаардын! Сахалыы ойуулугу дьиэ кэргэҥҥитиниин көрөргүтүгэр ыҥырабыт!
