https://www.traditionrolex.com/1

Сыала-соруга:

  1. Ыстатыйаны эбэтэр уус-уран айымньыны суруйууну көҕүлээһин, сайыннарыы;
  2. Ыччат төрөөбүт тылынан хомоҕойдук, таба суруйуутун өйөөһүн;
  3. Саха тылын эйгэтин кэҥэтии.

Тэрийээччи: Саха Өрөспүүбүлүкэтин национальнай бибилэтиэкэтэ, “Саха өйүн-санаатын баайын уонна култууратын сырдатар-чинчийэр киин” кэммиэрчэскэйэ суох автономнай тэрилтэ.

Кытталлар: 4-6, 7-9, 10-11 кылаастар, 18-24, 25-35, 36-45 саастаах дьон.

Кэпсээҥҥэ ирдэбиллэр:

  1. Кэпсээн дириҥ ис хоһоонноох, сахалыы баай тыллаах-өстөөх, таба суруйуу быраабылата туһуллубут буолуохтаах.
  2. Айымньы бэчээттэммитинэн уонна электроннай көрүҥүнэн киириэхтээх. Ааптар хаартыската баар буолара ирдэнэр.
  3. Бичигэ (шрифт) сахалыы буолара булгуччулаах.
  4. Кэпсээн ааттаах, ааптарын аата, аадырыһа, төлөпүөнэ толору ыйыллыбыт буолуохтаах.
  5. Биир ааптар биир кэпсээни ыытар.

Киирбит айымньылар талан http://sakhaetigentyla.ru саайка таһаарыахпыт.

Ыстатыйа суруйууга ирдэбиллэр:

  1. Өбүгэ үгэһин, сиэр-туом, култуура, төрүт дьарык (бултааһын, уһаныы, иистэнии өбүгэттэн утумнаммыт ньымалара) туһунан суруйуу.
  2. Саха айымньыларын, суруйааччы айар сатабылын, ньыматын ырытыы (уус-уран кириитикэ).
  3. Саха норуотун сайдыытыгар улахан кылааттарын киллэрбит дьоммут олохторун-дьаһахтарын, үлэлээбит үлэлэрин биллэр да, биллибэт да чахчыларын туһунан сырдатыы.
  4. Төрөөбүт тыл суолтатын ырытыы, түөлбэ тыллары анаарыы.
  5. Сахалыы саҥарыы, ааҕыы дэгэтин сайыннарыыга сүбэлэр.

Ыстатыйалар хаартыскалардаах буолуохтарын сөп. Хаартыскаҕа кимнээх түспүттэрэ чуолкай ыйыллыбыт буолуохтаах.

Ааптар үлэтин бу күрэскэ ыытта да, http://sakhaetigentyla.ru саайт эрэдээксийэтэ саайка таһаарарыгар сөбүлэҥин биэрэр.

Үлэлэргитин маннык аадырыска ыытаҕыт: ostyoryja_2019@mail.ru

Бөлөх аайы кыайыылаахтары (1, 2, 3 миэстэлэр, анал ааттар) быһаарабыт. Күрэххэ кыттыбыттарга туоһу сурук, кыайыылахтарга дьупулуом, анал аат хаһаайыннарыгар грамота бэриллэр.

Болдьоҕо: алтынньы 1 күнүттэн сэтинньи 20 күнүгэр диэри 2020 с.

Түмүгү иһитиннэрии: Төрөөбүт тыл уонна сурук-бичик күнүгэр http://sakhaetigentyla.ru саайка тахсыаҕа. Кыайбыт оҕолор үлэлэрэ Национальнай бибилэтиэкэ Электроннай бибилэтиэкэтин кинигэ кыһатын хомуурунньугар киириэҕэ.

Ыйыталаһарга: 89142681196.