https://www.traditionrolex.com/1

“Саха өйүн-санаатын баайын уонна култууратын сырдатар-чинчийэр киин” кэммиэрчэскэйэ суох автономнай тэрилтэ

«Дьокуускай куорат» куораттааҕы уокурук «Библиотека тиһигин киинэ» муниципальнай бюджетнай тэрилтэтэ

“Этигэн тыл эгэлгэтэ”

аман өс күрэҕин балаһыанньата.

Төрөөбүт тыл уонна сурук-бичик күнүгэр ананар.

Сыала-соруга: күрэх төрөөбүт тыл, саха өйүн-санаатын барҕа баайын, үгэһин суолтатын үрдэтиигэ, билиини хаҥатыыга ананар. Оҕо чопчу уонна ситимнээхтик саңарар-иҥэрэр, санаатын сайа этэр, тиэрдэр дьоҕурун сайыннарыы.

Күрэх кыттааччылара: 2-4, 5-8, 9-11 кылаастар үөрэнээччилэрэ кытталлар. Күрэххэ кыттарга биирдиилээн оҕо талбыт тиэмэтигэр чинчийиилэргэ, айымньыларга олоҕуран, санаатын этэн-тыынан 5-7 мүн уһуннаах гына үчүгэй хаачыстыбалаахтык видеоҕа устан ыытар. Киирбит устуулар талыллан “Саха этигэн тыла” ютуб-ханаалга киириэхтэрэ.

Хайысхалара:

  • Төрөөбүт тылбыт (холобур, өс хоһооно – омук мындыр өйө, сомоҕо домох кэрэтэ, о.д.а.)
  • Төрүт үгэспит, дьарыкпыт
  • Мин сөбүлүүр суруйааччым
  • Биһириир айымньым кэрэхсэбилэ
  • Сахалыы сиэр-майгы
  • Саха өйүн-санаатын барҕа баайын үйэтитии аныгы таһымҥа

Күрэх ирдэбилэ.

Оҕо тыл этэр дьоҕурун, кыаҕын, уһулуччутун талан ыларга маннык ирдэнэр:

  1. Санаатын тиэрдэригэр этиини дэгэттиир ньымалара.
  2. Тиэмэтин арыйыыта.
  3. Тыл этэр култуурата (таҥаһа-саба, туттан-хаптан туруута, куолаһы оонньоторо о.д.а.).

Кыттааччы сахалыы таҥастааҕа биһирэнэр.

Күрэх кыайыылаахтарын быһаарыы: бөлөх аайы кыайыылаахтары (1, 2, 3 миэстэлэр, анал ааттар) быһаарабыт.

Күрэххэ кыттыбыттарга туоһу сурук, кыайыылахтарга дьупулуом, анал аат хаһаайыннарыгар грамота бэриллэр.

Болдьоҕо: ахсынньы ый 20 күнүгэр диэри, 2020 сыл.

Үлэни манна ыытаҕыт: ostyoryja_2019@mail.ru.

Түмүгү иһитиннэрии: Төрөөбүт тыл уонна сурук-бичик күнүгэр http://sakhaetigentyla.ru саайка тахсыаҕа.

Ыйыталаһарга: 89142681196.