Мин мантан сэриигэ барбытым
Бар дьонум алгыһын ыламмын,
Далбаатыы хаалбыта алааһым
Будьурхай баттахтаах тыатыныын.
(И.И.Артамонов)
1941 – 1945 с.с. Аҕа дойду Улуу сэриитигэр фашистары утары 20-тэн тахса саха суруйааччыта саа-саадах тутан фроҥҥа хорсуннук сэриилэспитэ, кинилэр кырыктаах кыргыһыыларга ааттарын түһэн биэрбэтэхтэрэ, сорохторо олохторун толук уурбуттара. Эллэй эппитинии, «Уокка кыттан – уот, этиҥҥэ эбиллэн – этиҥ, хотойдорго холбоһон — хотой» буолбут буойун суруйааччылар олохторун, айымньыларын төһө билэргитин тургутан көрүҥ.
