Долган олоҥхотун уратытын, саха олоҥхолорун кытта тэҥнээн чинчийии устуоруйатын туһунан тыл билимин хандьыдаата, Арассыыйа суруналыыстарын Сойууһун чилиэнэ, СӨ суруйааччыларын Сойууһун чилиэнэ Ангелина Афанасьевна Кузьмина кэпсиирин “Саха” НКИХ араадьыйатын пуондатын матырыйаалыттан истэргитигэр ыҥырабыт. Бу биэрииттэн тыл, литература уонна устуоруйа институтун старшай научнай сотруднигынан үлэлээбит биллэр фольклорист Прокопий Елисеевич Ефремов үлэтин чаҕылхай чахчыларын туһунан билиэххит. Прокопий Ефремов киин сирдэр архыыптарыгар сыралаахтык үлэлээн, норуокка биллибэккэ сытар саха устуоруйатыгар, фольклоругар бөдөҥ чинчийиилэри бэчээккэ бэлэмнээн таһаартарбыта. Кини норуот фольклорун үөрэтии сайдыытыгар эрэ буолбакка, долган литературатын төрүттэниитигэр эмиэ быһаччы өҥөлөөх.
