Саха Өрөспүүбүлүкэтин Национальнай бибилэтиэкэтэ, Саха Өрөспүүбүлүкэтин суруйааччыларын Сойууһа, “Саха өйүн-санаатын баайын уонна култууратын сырдатар-чинчийэр киин” кэмиэрчэскэйэ суох автономнай тэрилтэ

«Өбүгэ үөрэҕэ — омук баайа» сахалыы ыстатыйаны уонна уус-уран кэпсээни суруйууга күрэһин балаһыанньата

✅Сыала-соруга:

  1. Ыстатыйаны эбэтэр уус-уран айымньыны суруйууну көҕүлээһин, сайыннарыы;
  2. Ыччат төрөөбүт тылынан хомоҕойдук, таба суруйуутун өйөөһүн;
  3. Саха тылын эйгэтин кэҥэтии.
    ✅Кытталлар: 4-6, 7-9, 10-11 кылаастар, 18-24, 25-35 саастааах дьон.
    ✅Кэпсээҥҥэ ирдэбиллэр:
  4. Кэпсээн дириҥ ис хоһоонноох, сахалыы баай тыллаах-өстөөх, төрөөбүт омугун эбэтэр Саха сиригэр олохтоох төрүт омук үгэһин, култууратын, төрүт билиитин тиэрдэргэ холоммут, таба суруйуу быраабылатын тутуспут буолуохтаах. Норуот тылынан уус-уран айымньытыгар, номоҕор олоҕуран бэйэтин айымньытын айыан сөп. Ох тыллары, өс хоһооннорун, таабырыннары, сомоҕо домохтору туттуу биһирэнэр.
  5. Айымньы бэчээттэммитинэн уонна электроннай көрүҥүнэн киириэхтээх. Ааптар хаартыската баар буолара ирдэнэр.
  6. Бичигэ (шрифт) сахалыы буолара булгуччулаах.
  7. Кэпсээн аата, ааптарын аата, аадырыһа, төлөпүөнэ толору ыйыллыбыт буолуохтаах.
  8. Биир ааптар биир кэпсээни ыытар.
  9. Бастыҥ айымньыларынан кинигэ тахсар.
  10. Күрэскэ кыттар оҕолорго анаан айымньыны уус-ураннык суруйарга үөрэтэр маастар-кылаас бу дьыл балаҕан ыйын 10 күнүгэр ыытыллар. Маастар-кылааһы Саха сирин суруйааччылара уонна тыл үөрэхтээхтэрэ ыыталлар.

✅Маастар-кылааска суруйтарыы: 89142681196.

✅Ыстатыйа суруйуутугар ирдэбиллэр:

  1. Өбүгэ үгэһин, сиэр-туом, култуура, төрүт дьарык (бултааһын, уһаныы, иистэнии өбүгэттэн утумнаммыт ньымалара) туһунан суруйуу.
  2. Саха айымньыларын, суруйааччы айар сатабылын, ньыматын ырытыы (уус-уран кириитикэ).
  3. Саха норуотун сайдыытыгар улахан кылааттарын киллэрбит дьоммут олохторун-дьаһахтарын, үлэлээбит үлэлэрин биллэр да, биллибэт да чахчыларын туһунан сырдатыы.
  4. Төрөөбүт тыл суолтатын ырытыы, түөлбэ тыллары анаарыы.
  5. Сахалыы саҥарыы, ааҕыы дэгэтин сайыннарыыга сүбэлэр.
    Ыстатыйалар хаартыскалардаах буолуохтаахтар. Хаартыскаҕа кимнээх түспүттэрэ чуолкай ыйыллыахтаах.
  6. Ыстатыйалар http://sakhaetigentyla.ru саайка тахсыахтара.

Ааптар үлэтин бу күрэскэ ыытта да, http://sakhaetigentyla.ru саайт эрэдээксийэтэ саайка таһаарарыгар сөбүлэҥин биэрэр. Үлэлэргитин маннык аадырыска ыытаҕыт: ostyoryja_2019@mail.ru

✅Бөлөх аайы кыайыылаахтары (1, 2, 3 миэстэлэр, анал ааттар) быһаарабыт. Күрэххэ кыттыбыттарга туоһу сурук, кыайыылахтарга дьупулуом, анал аат хаһаайыннарыгар грамота бэриллэр.
✅Болдьоҕо: 2022 сыл балаҕан ыйын 1 күнүттэн 30 күнүгэр диэри.
Түмүгү иһитиннэрии: http://sakhaetigentyla.ru саайка уонна «Саха суола» телеграмм ханаалга тахсыаҕа. Бу телеграмм ханаалга кыттааччылар сурутуулаах буолаллара ирдэнэр.
✅Ыйыталаһарга: 89142681196.

1 № сыһыарыы:

Сайаапка
Аата-суола, салайааччыта
Үөрэнэр сирэ, сааһа, кылааһа
Үлэтин аата
Салайааччы суотабайа
Е-mail салайааччы киэнэ

2 № сыһыарыы

Согласие родителя (законного представителя) на обработку персональных данных участника республиканского конкурса ораторов “Саха сирин суруйааччыларын айымньыларыгар норуот билиитэ, мындыр көрүүтэ”
для школьников 2-11 классов, посвященного 100-летию ЯАССР

Я , являясь законным представителем несовершеннолетнего участника республиканского конкурса по написанию художественных произведений, статей «Өбүгэ үөрэҕэ – омук баайа» («Культурное наследие — богатство народа»), посвященный 100-летию ЯАССР для школьников и молодежи, посвященного 100-летию ЯАССР _(ФИО ребенка), даю свое согласие организаторам конференции на обработку, в том числе автоматизированную, персональных данных участника в соответствии с Федеральным законом от 27.07.2006 № 152-ФЗ «О персональных данных».
Согласие предоставляется с момента подписания и действительно в течение пяти лет. По истечению указанного срока действие согласия считается продленным на каждые следующие пять лет при отсутствии письменного отзыва.
“” __ 2022 г. /
(подпись и расшифровка)