СӨ Национальнай бибилэтиэкэтэ
Саха Өрөспүүбүлүкэтин суруйааччыларын Сойууһа «Саха өйүн-санаатын баайын уонна култууратын сырдатар-чинчийэр киин” кэмиэрчэскэйэ суох автономнай тэрилтэ Оҕо ааҕар, сайдар киинэ

Төрөөбүт тылынан ааҕыыны көҕүлүүр
“Саха сирин суруйааччыларын айымньыларыгар норуот билиитэ, мындыр көрүүтэ” аман өс өрөспүүбүлүкэтээҕи күрэһин балаһыанньата

Сыала-соруга: күрэх төрөөбүт тыл, саха өйүн-санаатын барҕа баайын, үгэһин суолтатын үрдэтиигэ, билиини хаҥатыыга, Саха сирин суруйааччыларын айымньыларын ааҕыыга ананар. Оҕо чопчу уонна ситимнээхтик саңарар-иҥэрэр, санаатын сайа этэр, тириэрдэр дьоҕурун сайыннарыы.
Күрэх кыттааччылара: 2-4, 5-8, 9-11 кылаастар үөрэнээччилэрэ кытталлар. Күрэххэ кыттарга биирдиилээн оҕо талбыт тиэмэтигэр чинчийиилэргэ, айымньыларга олоҕуран, санаатын этэн-тыынан 5-7 мүн уһуннаах гына үчүгэй хаачыстыбалаахтык видеоҕа устан ыытар (төлөпүөҥҥэ устар буоллахха, сытыары тутуллар). Киирбит устуулар талыллан “Саха этигэн тыла” саайка, «Саха суола» ютуб-ханаалга уонна ыытааччы тэрилтэлэр саайтарыгар киириэхтэрэ.
Хайысхалара:

• Төрөөбүт тылбыт (холобур, чабырҕах, өс хоһооно – омук мындыр өйө, сомоҕо домох кэрэтэ, о.д.а.)
• Төрүт үгэспит, дьарыкпыт
• Мин сөбүлүүр суруйааччым
• Биһириир айымньым кэрэхсэбилэ
• Сахалыы сиэр-майгы
• Саха өйүн-санаатын барҕа баайын үйэтитии аныгы таһымҥа
Күрэх ирдэбилэ.
Оҕо тыл этэр дьоҕурун, кыаҕын, уһулуччутун талан ыларга маннык ирдэнэр:

  1. Санаатын тириэрдэригэр этиини дэгэттиир ньымалара.
  2. Тиэмэтин арыйыыта.
  3. Тыл этэр култуурата (таҥаһа-саба, туттан-хаптан туруута, куолаһы оонньоторо о.д.а.).

Кыттааччы сахалыы эбэтэр төрөөбүт омугун таҥаһын кэтэрэ биһирэнэр.
Күрэх кыайыылаахтарын быһаарыы: бөлөх аайы кыайыылаахтары (1, 2, 3 миэстэлэр, анал ааттар) быһаарабыт.
Күрэххэ кыттыбыттарга туоһу сурук, кыайыылахтарга дьупулуом, анал аат бэриллэр.
Болдьоҕо: 2022 сыл бэс ыйын 12 күнүттэн балаҕан ыйын 15 күнүгэр диэри, күрэххэ кыттыы босхо.
Үлэни манна ыытаҕыт: ostyoryja_2019@mail.ru. Үлэни кытта сайаапканы, сөбүлэҥи (согласие) толорон ыытаҕыт (1, 2 сыһыарыы).
Түмүгү иһитиннэрии: http://sakhaetigentyla.ru саайка уонна «Саха суола» телеграмм ханаалга тахсыаҕа. Бу телеграмм ханаалга кыттааччылар сурутуулаах буолаллара ирдэнэр.
Күрэх түмүгүнэн оҕолор санааны тириэрдэн этэр дьоҕурга, тыл култууратыгар тылы чинчийээччилэртэн, суруйааччылартан уонна уһуйааччылартан маастар-кылааска үөрэниэхтэрэ.
Ыйыталаһарга: 89142681196 — Ангелина Афанасьевна.

Приложение 1

Сайаапка
Аата-суола, салайааччыта
Үөрэнэр сирэ, кылааһа
Толорор үлэтин аата
Салайааччы суотабайа
Е-mail салайааччы киэнэ

Приложение №2

Согласие родителя (законного представителя) на обработку персональных данных участника республиканского конкурса ораторов “Саха сирин суруйааччыларын айымньыларыгар норуот билиитэ, мындыр көрүүтэ”
для школьников 2-11 классов, посвященного 100-летию ЯАССР

Я __________, являясь законным представителем несовершеннолетнего участника ________ республиканского видеоконкурса по ораторскому искусству «Народная мудрость в книгах писателей Якутии» для школьников 2-11 классов, посвященного 100-летию ЯАССР ________(ФИО ребенка), даю свое согласие организаторам конференции на обработку, в том числе автоматизированную, персональных данных участника в соответствии с Федеральным законом от 27.07.2006 № 152-ФЗ «О персональных данных».

Согласие предоставляется с момента подписания и действительно в течение пяти лет. По истечению указанного срока действие согласия считается продленным на каждые следующие пять лет при отсутствии письменного отзыва.

2022 г. / __
(подпись и расшифровка)